Beth yw’r rheoliadau WEEE?

Mae’r Rheoliadau Offer Trydanol ac Electronig Gwastraff (WEEE) yn berthnasol i offer trydanol ac electronig (EEE) yn y categorïau a restrir isod gyda foltedd o hyd at 1000 folt ar gyfer cerrynt eiledol neu hyd at 1500 folt ar gyfer cerrynt uniongyrchol.

Bydd angen i chi gydymffurfio â’r Rheoliadau WEEE os ydych yn cynhyrchu, trin neu waredu gwastraff sy’n dod o fewn un o ddeg categori o WEEE:

1. Cyfarpar mawr ar gyfer y cartref
2. Cyfarpar bach ar gyfer y cartref
3. Offer TG a thelathrebu
4. Offer defnyddwyr
5. Offer goleuo
6. Arfau trydanol ac electronig
7. Teganau, offer hamdden a chwaraeon
8. Dyfeisiau meddygol
9. Offer monitro a rheoli
10. Peiriannau gwerthu awtomatig.

Mae atodlen dau y Rheoliadau WEEE yn rhoi enghreifftiau o gynhyrchion sy’n dod o fewn y categorïau hyn.

Mae’r Rheoliadau WEEE yn berthnasol i fewnforwyr, cynhyrchwyr, manwerthwyr a defnyddwyr EEE, ac i fusnesau sy’n trin neu’n adennill WEEE.

Nod y rheoliadau yw i:

• leihau gwastraff o offer trydanol ac electronig
• annog casglu WEEE ar wahân
• annog trin, ailddefnyddio, adennill, ailgylchu a gwaredu WEEE mewn dull cadarn amgylcheddol
• gwneud cynhyrchwyr EEE yn gyfrifol am effaith eu cynhyrchion ar yr amgylchedd
• gwella perfformiad amgylcheddol pawb sy’n ymwneud â chylchred oes EEE.

Bydd eich rheolydd amgylcheddol yn gorfodi’r agweddau cyfrifoldeb y cynhyrchwr o’r rheoliadau WEEE yng nghyswllt casglu, gwaredu a phrosesu WEEE.

Nod y Rheoliadau Cyfyngu ar Sylweddau Peryglus (RoHS) yw i gwtogi cymaint ag a ellir ar ddefnyddio sylweddau peryglus penodol mewn EEE newydd. Mae’r gofynion yn berthnasol i wyth o’r deg categori o WEEE ac maent yn effeithio’n bennaf ar gynhyrchwyr EEE. Rhaid i gynhyrchwyr ddarparu tystiolaeth fod crynodiadau o ddeunyddiau peryglus yn eu cynhyrchion islaw lefelau wedi’u diffinio. Mae hyn yn cynnwys pob cydran a deunydd unigol.

Yn y ganllaw hon: